សូមស្វាគមន៍មកកាន់កម្មវិធី Startup Journey រដូវកាលទី ២ វគ្គទី ១។ តោះថ្ងៃនេះ មជ្ឈមណ្ឌលបណ្តុះធុរកិច្ចថ្មី “តេជោ” នឹងនាំអ្នកទាំងអស់គ្នាទៅស្គាល់ធុរកិច្ចថ្មីមួយដែលផ្ដល់ជូននូវ platform ដែលអនុញ្ញាតឲ្យម្ចាស់អាជីវកម្មខ្នាតតូច និងមធ្យម គ្រប់គ្រងប្រតិបត្តិការអាជីវកម្ម និងផលិតរបាយការណ៍គណនេយ្យតាមស្តង់ដា។ ចង់ដឹងថាក្រុមធុរកិច្ចថ្មីនោះជានរណា ដោះស្រាយលើបញ្ហាអ្វី និងត្រូវបានបង្កើតឡើងដោយរបៀបណា តោះទៅអានអត្ថបទខាងក្រោមទាំងអស់គ្នា៖

No photo description available.

អំពី “Localize”

“Localize” ជា platform ដែលអនុញ្ញាតឲ្យម្ចាស់អាជីវកម្មខ្នាតតូច និងមធ្យម គ្រប់គ្រងប្រតិបត្តិការអាជីវកម្ម និងផលិតរបាយការណ៍គណនេយ្យតាមស្តង់ដា ដោយងាយស្រួល និងចំណាយតិច។

ចក្ខុវិស័យ

ចក្ខុវិស័យ៖ បំណងអោយគ្រប់ អាជីវកម្មខ្នាតតូច និងមធ្យម នៅកម្ពុជាមានប្រព័ន្ធគ្រប់គ្រង និងបញ្ជីគណនីយ្យត្រឹមត្រូវ។

ស្ថាបនិក និងសហស្ថាបនិក៖

1. លោក ទុយ ហុង នាយកគ្រប់គ្រង

2. លោក ថន រិនដា ប្រធានក្រុមគាំទ្របច្ចេកវិទ្យា

3. អនាមិក

ការបង្កើតធុរកិច្ចថ្មី “Localize”

លោក ទុយ ហុង មានបទពិសោធន៍ការងារជាង ១០ ឆ្នាំ, ទាំងវិស័យរដ្ឋ និង ឯកជន។ លោកបានមើលឃើញពីបញ្ហាដែលមានគឺ អាជីវកម្មខ្នាតតូច និងមធ្យម នៅកម្ពុជាមិនទាន់មានបញ្ជីស្នាមត្រឹមត្រូវនៅឡើយទេ, និងពិបាករកគណនេយ្យករជំនាញមកជួយផងដែរ។ ទើបលោកមានគំនិតបង្កើត Tool localize សម្រាប់ជួយអោយម្ចាស់អាជីវកម្មអាចមានលិទ្ធភាពដោះស្រាយការងារប្រចាំថ្ងៃបានដោយប្រើ Platform ក្នុងការផលិតបញ្ជីគណនេយ្យមួយសមរម្យដោយខ្លួនផ្ទាល់ មិនចាំបាច់មានអ្នកជំនាញមកជួយក៏អាចធ្វើបាន។

អត្ថន័យរបស់ឈ្មោះ “Localize”

ជៀសជាងពេលប្រើ software ផលិតនៅក្រៅស្រុក, ដែលមានមុខងារស័ក្តិសមសម្រាប់បរទេស ជាងបរិបទក្នុងប្រទេសកម្ពុជា, localize បានបង្កើតដំណោះស្រាយគណនេយ្យ ដែលមានមុខងារចាំបាច់មួយចំនួនដែលត្រូវការប្រើប្រាស់នៅកម្ពុជា។ Localize បង្កើតភាពងាយស្រួលទៅដល់អតិថិជនក្នុងស្រុកក្នុងការចាប់ផ្តើម និងប្រើប្រាស់កម្មវិធីគណនេយ្យ Cloud ។

អតិថិជនរបស់ “Localize”

អតិថិជនគោលដៅរបស់ Localize បែងចែកជា ២ ក្រុម៖

· ម្ចាស់អាជីវកម្ម

· អ្នកផ្តល់សេវាគណនេយ្យ

នៅក្នុងដំណើរនៃការបង្កើត Localize ឡើងមក, ស្ថាបនិកនៃធុរកិច្ចថ្មីមួយនេះបានលើកឡើងពីកត្តាលំបាកក្នុងការបង្កើតក្រុមការងារដំបូង។ ការរំពឹងទុក និងការពិតក្នុងការជ្រើសរើសដៃគូរសហការមិនពិតដូចជាបំណងលោកធ្លាប់មានទេ។ ដោយបុគ្គលដែលលោកមានបំណងហៅជាសហស្ថាបនិក, បានបដិសេដសំណើរនេះ, ព្រោះរូបខ្លួនមានទំនួលខុសត្រូវផ្សេងៗ មិនអាចចាកចេញពីការងារដែលមានប្រាក់ចំណូលមានស្ថិរភាពឡើយ។ ចំណែកលោកហុងវិញ មិនបានដកថយឡើយ, ដោយសារមានចំនេះដឹងផ្នែកបច្ចេកវិទ្យាស្រាប់, លោកក៏បានបន្តអភិវឌ្ឍផលិតផល MVP របស់ខ្លួន។ ព្រោះភាពអំណត់ និង ការបញ្ចេញសកម្មភាពរបស់ខ្លួនទៅអោយអ្នកដទៃឃើញ, លោកក៏ទទួលបានទំនុកចិត្ត និង បានរកឃើញសហស្ថាបនិក ២ រូបទៀតក្នុងការរួមចំណែកបង្កើត Localize ឡើងមក។

ដំបូន្មាន

លោកបានផ្តល់ពាក្យណែនាំមួយចំនួនទៅអ្នកដែលចង់បង្កើត Startup ជាពិសេស Tech Startup, គឺត្រូវចង់ចាំ ២ ចំនុច៖

១. គួរមានបទពិសោធន៍ក្នុងវិស័យការងារ ៣ ទៅ ៥ ឆ្នាំសិន, រៀនពីបច្ចេកទេស, ការគ្រប់គ្រងអាជីវកម្ម និង ភាពជាអ្នកដឹកនាំសិន ទើបគួរបន្តបើកធុរកិច្ចថ្មី។

២. ត្រូវកសាងទំនាក់ទំនងល្អជាមួយមនុស្សជុំវិញខ្លួន, ដើម្បីមានអ្នកគាំទ្រ និងជួយគម្រោងរបស់ខ្លួនអោយដើរបានរលូន។

ទំនាក់ទំនង

ដើម្បីស្វែងយល់លម្អិតបន្ថែម និងចង់ដកស្រង់បទពិសោធន៍ថ្មី ឬចង់ចូលរួមជាមួយធុរកិច្ចថ្មីមួយនេះសូមទំនាក់ទំនង៖

លេខទូរស័ព្ទ៖ 070 366 288

Email៖ info@localizebook.com

អ្នកអាចធ្វើការស្វែងយល់បន្ថែមពីធុរកិច្ចថ្មីមួយនេះ តាមរយៈទំព័រ Website និង Facebook ខាងក្រោម៖

· http://localizebook.com/

· https://www.facebook.com/localizetechs

សូមរង់ចាំស្ដាប់ និងទស្សនាការចែករំលែកពីបទពិសោធន៍នានារបស់ធុរកិច្ចថ្មី “Localize” បន្ថែមទៀតក្នុងពេលឆាប់ៗខាងមុខនេះ តាមរយៈហ្វេសបុកផេករបស់ Techo Startup Center និង Startup Cambodia។

No photo description available.