សូមស្វាគមន៍មកកាន់កម្មវិធី Startup Journey រដូវកាលទី ២ វគ្គទី ៤។ តោះថ្ងៃនេះ មជ្ឈមណ្ឌលបណ្ដុះធុរកិច្ចថ្មី “តេជោ” នឹងនាំអ្នកទាំងអស់គ្នាទៅស្គាល់ធុរកិច្ចថ្មីមួយ ដែលអនុញ្ញាតឱ្យភ្ញៀវទេសចរណ៍កក់សកម្មភាពដើរលេងបានយ៉ាងងាយស្រួល។ ចង់ដឹងថាក្រុមធុរកិច្ចថ្មីនោះជានរណាដោះស្រាយលើបញ្ហាអ្វី និងត្រូវបានបង្កើតឡើងដោយរបៀបណាតោះទៅអានអត្ថបទខាងក្រោមទាំងអស់គ្នា៖

អំពី “Unseentra”

“Unseentra” គឺជាកម្មវិធីទូរសព្ទដៃ ក៏ដូចជាវេទិកាមួយ ក្នុងការផ្តល់សេវាកម្មកក់សកម្មភាពទេសចរណ៍ក្នុងប្រទេសកម្ពុជា។ “Unseentra” ត្រូវបានបង្កើតឡើងនៅឆ្នាំ ២០១៦ ដែលជា Travel blogger និង Travel organizer, លុះមកដល់ឆ្នាំ ២០១៩ ក៏បានអភិវឌ្ឈខ្លួនទៅជា Travel tech company។ ស្ថាបនិករបស់ “Unseentra” មានគោលបំណងក្នុងការផ្សព្វផ្សាយ គោលដៅទេសចរណ៍ផ្សេងៗក្នុងកម្ពុជាទាំងល្បី និង មិនសូវល្បីទៅភ្ញៀវទេសចរណ៍ ដើម្បីទាក់ទាញការចំណាយពេលវេលា ក៏ដូចជាថវិការឱ្យបានកាន់តែច្រើនក្នុងការចូលរួមចំណែកលើកស្ទួយដល់វិស័យទេសចរណ៍ក្នុងប្រទេសកម្ពុជា។ “Unseentra” ក៏បានធ្វើការជាមួយ សហគមន៏ទេសចរណ៍នានាក្នុងការជួយសម្រួលដល់ការគ្រប់គ្រង និងសម្រួលការកក់សំបុត្រសម្រាប់ភ្ញៀវទេសចរណ៍ផងដែរ។

ស្ថាបនិក និង សហស្ថាបនិក៖

1. លោក រុន វិរៈ

2. លោក រ៉ាវ សម្បត្តិ

3. លោក សុខ ចន្ទវុត្ថា

4. លោកស្រី រ៉េត ម៉ាលីស

5. លោក អាន សុវណ្ណគ្រឹស្នា

អត្ថន័យឈ្មោះ “Unseentra”

Unseen Travel Cambodia ឫ “Unseentra” មានគោលបំណងបង្ហាញពីទេសចរណ៍ក្នុងស្រុក ជាពិសេសកន្លែងដែលមិនសូវមានអ្នកស្គាល់ ឫ ធ្លាប់ទៅដល់។

សេវាកម្មរបស់ “Unseentra”

សេវាកម្មរបស់ “Unseentra” ចែកចេញជា ៣ សំខាន់ៗ៖

Rental
E-ticket pass
Adventure and outdoor activities

នៅក្នុងដំណើរនៃការបង្កើត “Unseentra” ឡើងមក, ស្ថាបនិកនៃធុរកិច្ចថ្មីមួយនេះបានលើកឡើងពីកត្តាលំបាកក្នុងការបង្កើតធុរកិច្ចថ្មីនេះឡើងមក។ ជាក់ស្តែង “Unseentra” បានក្លាយជា Travel Tech Company នៅក្នុងឆ្នាំ ២០១៩ ដែលជាឆ្នាំមានជម្ងឺរាតត្បាតកូវីដ ១៩ ចូលមក, ក្នុងពេលនោះផងដែរ ក្រុមការងារបានជួបបញ្ហា និង ប៉ះពាល់ដល់ផ្លូវចិត្តជាខ្លាំង ត្បិតវិស័យទេសចរណ៍ក្នុងរយៈពេលនោះបានស្លាប់បាត់ទៅហើយ។ ទោះបីជួបឧបសគ្គជាច្រើនក្តី ក៏ក្រុមធុរកិច្ចថ្មី “Unseentra” មិនបានប្តូរគំនិតអាជីវកម្មទៅលើវិស័យផ្សេងឡើយ, ក៏ព្រោះក្តីស្រលាញ់ទៅលើ ការដើរលេង ការចែករំលែកទៅលើតំបន់ទេសចរណ៍នានាក្នុងកម្ពុជា។ ដោយមើលឃើញពីសារៈប្រយោជន៍នៃ ធុរកិច្ចរបស់ខ្លួនក្នុងការចូលរួមចំណែកស្ដារនូវ វិស័យទេសចរណ៍ក្នុងប្រទេសកម្ពុជាផងនោះ ទើបក្រុមការងារ “Unseentra” មានទឹកចិត្តបន្តក្នុងការខិតខំប្រឹងប្រែង និង មិនបានបោះបង់ចោលធុរកិច្ចថ្មីនេះឡើយ។លោកក៏បានលើកទឹកចិត្តដល់អ្នកជំនាន់ក្រោយ ឱ្យមានការបង្កើត Startup កាន់តែច្រើនទៀត, តាមចំណេះដឹងរៀងៗខ្លួន ដើម្បីធ្វើអោយចរន្តសេដ្ឋកិច្ចកម្ពុជាដើរបានល្អ រួមទាំងចូលរួមអភិវឌ្ឈប្រទេសកម្ពុជាផងដែរ។

ទំនាក់ទំនង

ដើម្បីស្វែងយល់លម្អិតបន្ថែម និង ចង់ដកស្រង់បទពិសោធន៍ថ្មី ឬចង់ចូលរួមជាមួយធុរកិច្ចថ្មីមួយនេះសូមទំនាក់ទំនង៖

លេខទូរស័ព្ទ៖ 085 368 701 / 070 83 43 11

Email៖ info@unseentra.com

អ្នកអាចធ្វើការស្វែងយល់បន្ថែមពីធុរកិច្ចថ្មីមួយនេះ តាមរយៈទំព័រ Website និង Facebook ខាងក្រោម៖

http://www.unseentra.com/
https://www.facebook.com/unseentra

សូមរង់ចាំស្ដាប់ និងទស្សនាការចែករំលែកពីបទពិសោធន៍នានារបស់ធុរកិច្ចថ្មី “Unseentra” បន្ថែមទៀតក្នុងពេលឆាប់ៗខាងមុខនេះ តាមរយៈហ្វេសបុកផេករបស់ Techo Startup Center និង Startup Cambodia។