តើអ្នកទាំងអស់គ្នាមានប្រទះបញ្ហាដែលអ្នកទាំងអស់គ្នាមានការព្រួយបារម្ភខ្លាំងចំពោះបញ្ហានោះដែរឬទេ? តើអ្នកនិងដោះស្រាយយ៉ាងណាបើសិនជាអ្នកមានតែរយៈពេល៤៨ម៉ោង? ក្នុងឱកាសនេះ មជ្ឈមណ្ឌលបណ្ដុះធុរកិច្ចថ្មី “តេជោ” បានសម្រេចបើកទទួលពាក្យចូលរួមកម្មវិធី Turing Hackathon ពីសំណាក់សាធារណៈជនទាំងអស់។ 📌 តើ​ Turing Hackathon ជាកម្មវិធីអ្វី? Turing Hackathon ជាកម្មវិធីប្រកួតប្រជែងថ្មីស្រឡាងមួយដែលផ្ដល់ ៤៨ម៉ោងដល់ក្រុមបេក្ខជន ដើម្បីបង្កើតគំរូបច្ចេកវិទ្យាដើម្បីឆ្លើយតបទៅនឹងគោលដៅអភិវឌ្ឍន៍ប្រកបដោយចីរភាព។ 📌 នៅចុងបញ្ចប់នៃកម្មវិធី យើងរំពឹងថាបេក្ខជននឹងអាចស្វែងរកដំណោះស្រាយតាមរយៈវិធីសាស្ត្រណាមួយដូចខាងក្រោម៖ 1.ការវិភាគទិន្នន័យ (Data analytics) / សមត្ថភាពវៃឆ្លាតរបស់ម៉ាស៊ីន (Machine learning) / បញ្ញាសិប្បនិមិត្ត (Artificial Intelligence)៖ ការវិភាគតាមប្រព័ន្ធនៃទិន្នន័យដើម្បីជួយក្នុងដំណើរការធ្វើការសម្រេចចិត្ត ដោយហេតុនេះផ្តល់នូវដំណោះស្រាយចំពោះបញ្ហា SDG។ 2.កម្មវិធីទូរស័ព្ទ៖ កម្មវិធីស្មាតហ្វូនសម្រាប់អ្នកប្រើប្រាស់ ដើម្បីជួយដោះស្រាយបញ្ហានៅក្នុងទីផ្សារ ឬសង្គម។ 3.កម្មវិធីកុំព្យូទ័រ៖ កម្មវិធីឬប្រព័ន្ធដែលអាចអនុវត្តលើកុំព្យូទ័រដែលអាចមានឥទ្ធិពលលើអ្នកប្រើប្រាស់ដើម្បីជួយដោះស្រាយបញ្ហានៅក្នុងទីផ្សារ ឬសង្គម។ 4.អភិវឌ្ឍន៍គេហទំព័រ៖ គេហទំព័រដែលមានខ្លឹមសារ និងលក្ខណៈពិសេសដើម្បីជួយដល់ដំណោះស្រាយ គោលដៅអភិវឌ្ឍន៍ប្រកបដោយចីរភាព។ 5.Blockchain៖ សៀវភៅកត់ត្រាឌីជីថលគំរូដែលជួយឱ្យមាន ភាពជឿជាក់និងសុវត្ថិភាពបន្ថែមទៀតចំពោះកំណត់ត្រា ឬប្រតិបត្តិការតាមប្រព័ន្ធអ៊ីនធឺណិត។ 📌 តើអ្នកណាខ្លះអាចចូលរួមកម្មវិធីនេះ? បេក្ខជនអាចចូលរួមម្នាក់ឯង ឬជាក្រុមមួយដែលមានសមាជិកច្រើនបំផុត ៣នាក់, អាចជាសិស្សនៅវិទ្យាល័យ សាកលវិទ្យាល័យ អ្នកធ្វើការងារឬកំពុងស្វែងរកការងារ និងអាចចំណាយពេល២ថ្ងៃនៅចុងសប្តាហ៍នៃកម្មវិធី។ 📌 ថ្ងៃផុតកំណត់ដាក់ពាក្យប្រកួត: ថ្ងៃទី២១​ វិច្ឆកា​២០២១ Link​សម្រាប់ការចុះឈ្មោះប្រកួត:bit.ly/TuringHackathon ព័ត៌មានបន្ថែមសូមចូលទៅកាន់គេហទំព័រ Facebook របស់​ Techo Startup Center #TuringHackathon #TechnologyHackathon #Hackathon