វគ្គបណ្ដុះបណ្ដាលនេះរៀបចំឡើងក្នុងគោលបំណង ផ្ដល់ការបណ្តុះបណ្តាលនូវភាពជាសហគ្រិនយ៉ាងទូលំទូលាយ ដល់យុវជនដោយគ្របដណ្តប់លើប្រធានបទដូចជា៖ ការធ្វើផែនការអាជីវកម្ម ការស្វែងយល់ពីខ្លួនឯង ការគ្រប់គ្រងហិរញ្ញវត្ថុ បច្ចេកទេស និងយុទ្ធសាស្រ្តទីផ្សារ ដើម្បីបោះជំហានទៅសម្រេចគោលដៅរបស់យុវជន

ព្រមទាំងបង្កើតបរិយាកាសគាំទ្រ ដែលអ្នកចូលរួមអាចធ្វើការងារដោយមានកិច្ចសហការ ផ្លាស់ប្តូរគំនិត និងដោយមានការទទួលបានមតិណែនាំបន្ថែមពីអ្នកជំនាញនៅក្នុងវិស័យនានា។ ជាពិសេសការតភ្ជាប់ទំនាក់ទំនងជាមួយអ្នកជំនាញនៅក្នុងវិស័យសហគ្រិនភាព និងអ្នកវិនិយោគ ដែលមានសក្តានុពល ដើម្បីជាផ្នែកមួយក្នុងការពង្រីកបណ្តាញទំនាក់ទំនងរបស់ពួកគេ និងដើម្បីអាចទទួលបានឱកាសថ្មី និងមានតម្លៃ។

អត្ថប្រយោជន៍នៃការចូលរួមកម្មវិធីនេះ ៖

១. ទទួលបានការបណ្តុះបណ្តាល ៤ ខែ ទៅលើជំនាញទន់ និង ជំនាញរឹងសម្រាប់បង្កើតភាពជាសហគ្រិន

២. បង្កើតមិត្ត និងក្រុមការងារយុវជនសហគ្រិន ដើម្បីអនុវត្តគម្រោងនៃក្តីស្រមៃរបស់អ្នក

៣. ទទួលបានការប្រឹក្សាយោបល់ និងការគាំទ្រសម្រាប់ការបង្កើតគម្រោងជាក្រុម

៤. ទទួលបានថវិកាដើម្បីអនុវត្តគម្រោងនៃក្តីស្រមៃរបស់អ្នក (ក្រុមចំណាត់ថ្នាក់ទី ១ និងទី ២ ទទួលបាន ថវិកា ១០ លានរៀល និង ៤ លានរៀល)