សូមស្វាគមន៍មកកាន់កម្មវិធី Startup Journey រដូវកាលទី ២ វគ្គទី ៨។ តោះថ្ងៃនេះ មជ្ឈមណ្ឌលបណ្ដុះធុរកិច្ចថ្មី “តេជោ” នឹងនាំអ្នកទាំងអស់គ្នាទៅស្គាល់ធុរកិច្ចថ្មីមួយ ដែលផ្តោតសំខាន់ទៅលើ Cybersecurity Specialist Training។ ចង់ដឹងថាក្រុមធុរកិច្ចថ្មីនោះជានរណាដោះស្រាយលើបញ្ហាអ្វី និងត្រូវបានបង្កើតឡើងដោយរបៀបណាតោះទៅអានអត្ថបទខាងក្រោមទាំងអស់គ្នា៖

អំពី SalaCyber

SalaCyber ត្រូវបានបង្កើតនៅឆ្នាំ ២០១៩, និង ចុះបញ្ជីជាក្រុមហ៊ុននៅឆ្នាំ ២០២១។ ការចាប់ផ្តើមរបស់ SalaCyber កើតឡើងនៅពេលដែលស្ថាបនិក លោក អ៊ឹង ប៉ហៃ បានចូលរួមប្រកួតកម្មវិធី “Cyber SEA Game” នៅព្រះរាជាណាចក្រថៃក្នុងឆ្នាំ ២០១៩, ដោយសារតែលោកបានប្រទះឃើញគូប្រកួតប្រជែងរបស់ខ្លួនសុទ្ធសឹងតែជាសិស្សានុសិស្សដែលមានអាយុវ័យក្មេងជាង។ អ្វីទាំងអស់នេះធ្វើអោយលោកក៏មើលឃើញថានៅប្រទេសកម្ពុជា មានកង្វះខាតចំណេះដឹងជំនាញសន្តិសុខសាយប័រយ៉ាងច្រើន ជាពិសេសគឺក្នុងចំណោមសិស្សានុសិស្ស, ទើបធ្វើឲ្យលោកមានឆន្ទៈនៅក្នុងការចែករំលែកចំណេះដឹងទាក់ទងនឹងសន្តិសុខសាយប័រទៅដល់មនុស្សគ្រប់រូបមិនថាទាំងសិស្សានុសិស្ស ឬក៏អ្នកមានចំណាប់អារម្មណ៍ចង់ចាប់ជំនាញជាអ្នកឯកទេសខាងសន្តិសុខសាយប័រ។

អត្ថន័យឈ្មោះ SalaCyber

SalaCyber គឺមកពីពាក្យថា “សាលា” ជាពាក្យខ្មែរ បូកជាមួយពាក្យអង់គ្លេស “Cyber” ។ ដែលចង់បង្ហាញន័យថាជាសាលា ឬ ទីកន្លែងប្រមូលផ្តុំព័ត៌មាននៃ Cybersecurity ទៅដល់អ្នកដែលចាប់អារម្មណ៍ចង់ក្លាយទៅជា Security Specialist ទាំងឡាយ។

សេវាកម្មរបស់ SalaCyber

SalaCyber ផ្តល់ការបង្ហាត់បង្រៀនជំនាញ Network Security មានដូចជា៖

Security Analyst
Security Compliance
Penetration Testing

នៅក្នុងដំណើរនៃការបង្កើត SalaCyber ឡើងមក, ស្ថាបនិកនៃធុរកិច្ចថ្មីមួយនេះបានលើកឡើងពីដំណើរនៃធុរកិច្ចថ្មីរបស់គាត់, ដើម្បីក្លាយជាស្ថាបនិកមួយរូប ត្រូវមានចំណេះដឹងជាច្រើនមុខ មិនត្រឹមតែមាន ជំនាញបច្ចេកទេសដែលជា ជំនាញCybersecurity មួយមុខនោះទេ, គឺត្រូវមានជំនាញទន់ជាច្រើនទៀតដូចជា៖ ជំនាញទីផ្សារ, ការលក់, ការនិយាយជាសាធារណៈ, ភាពជាអ្នកដឹកនាំ, និងជំនាញជាច្រើនទៀត។ លោកបានបញ្ចាក់ថាលោកអាចបង្កើនជំនាញទាំងនេះ តាមរយៈការចូលរួមកម្មវិធីបណ្តុះធុរកិច្ចថ្មីផ្សេងៗ។ លោកបានស្គាល់អ្នកក្នុងវិស័យធុរកិច្ចថ្មីជាច្រើន បានផ្លាស់ប្តូរគំនិតទៅវិញទៅមក និង ដំបូន្មានល្អៗពីអ្នកណែនាំផងដែរ។

ទំនាក់ទំនង

ដើម្បីស្វែងយល់លម្អិតបន្ថែម និងចង់ដកស្រង់បទពិសោធន៍ថ្មី ឬចង់ចូលរួមជាមួយធុរកិច្ចថ្មីមួយនេះសូមទំនាក់ទំនង៖

លេខទូរស័ព្ទ៖ 092 408 339

Email៖ academy@salacyber.com

អ្នកអាចធ្វើការស្វែងយល់បន្ថែមពីធុរកិច្ចថ្មីមួយនេះ តាមរយៈទំព័រ Website និង Facebook ខាងក្រោម៖

https://salacyber.com/

https://www.facebook.com/salacyber

សូមរង់ចាំស្ដាប់ និងទស្សនាការចែករំលែកពីបទពិសោធន៍នានារបស់ធុរកិច្ចថ្មី SalaCyber បន្ថែមទៀតក្នុងពេលឆាប់ៗខាងមុខនេះ តាមរយៈហ្វេសបុកផេករបស់ Techo Startup Center និង Startup Cambodia។